පොතුහැර මහා සුප් දන්සැල, 10 වන වරටත්. ඔබ සැමට ආරාධනා!

පොතුහැර ඉහල දිග්ගලේවත්ත තරුණ කැළ විසින් සංවිධානය කරන මහා සුප් දන්සැල මෙවරත් අති සාර්ථක 10 වන වරට පොතුහැර තැපැල් කාර්ය්‍යාලය අසලදී වෙසක් පුර පසලොස්වක දින රැය පහන් වනතුරු පවත් වයි. ඒ සඳහා සහභාගී වන ලෙස පින්වත් ඔබ සැමට කරන ආරාධනයි මේ.

පසුබිම

පොතුහැර ඉහල දිග්ගලේ වත්ත තරුණ කැළ ලෙසින් අප (මා එවකට තරුණයෙක් නොවූ අතර එවක සිටි තරුණයින් දැන් තාරුණ්‍ය පසුකරත් ඇත. ලෝකයේ ධර්ම තාව එසේ උවත් අපගේ එකමුතුව තාමත් තරුණය ) 1995 වසරේ පමන සිට සම්බුදු තෙමඟුල නිමිත්තෙන් විවිධ ආමිස හා ප්‍රතිපත්ති පූජාවන් ගෙන් සමන්විත ආගමිග වැඩසටහන් සංවිධානය කරන්නෙමු. ඒ අතර කැරකෙන කූඩු, වෙසක් තොරන, සීල ව්‍යාපාර හා දන්සැල් විශේෂ තැනක් ගනී. 

ඉන් සුවිශේෂී වන්නේ අදින් වසර 10 ට පෙර 2002 වසරේ වෙසක් පුර පසලොස්වක පොහොය නිමිත්තෙන් අප සංවිධානය කල සුප් දන්සැලයි. එවකට ඒ සඳහා ලැබුන විශාල ප්‍රතිචාරය නිසා මෙම පින්කම නොකඩවාම පුරා වසර 9 ක් අඛන්ඩ්ව පවත්වාගෙන ඒමට අපට හැකිවින.

2600 ශ්‍රී සම්බුද්ධත්ව ඡයන්තිය සමරන මේ වෙසක් පුන් පොහෝ දින අපගේ දන්සැල පවත්වන්නේ 10 වෙනි වරටය. පොතුහැර ඉහල දිග්ගේවත්ත ප්‍රදේශවාසීන්ගේ ඉමහත් පරිශ්‍රමයෙන් ද, ධන පරිත්‍යාගයෙන් ද, පොතුහැර පුරාන විහාරාධි පති ස්වාමින්වහන්සේගේ අනුශාසකත්වයෙන්ද, මඟපෙන්වීමෙන් හා දායකත්වයෙන් ද මෙම දන්සැල පින්වත් ඔබ වෙනුවෙන්ම සංවිධානය වෙයි.

ඔබගේ වන්දනාගමනේ ගිමන නිවන, පවස නිවන, කුසගින්න නිවන අපගේ සුප් දන්සැල වැඳගන්නාමෙන් ඔබ හැමට නැවතත් සාදර සිතින් ආරාධනා කරමි.

• දාතම - ශ්‍රී බුද්ධවර්ශ 2555 ක් වූ වෙසක් මස වෙසක් පුන් පොහෝ දින.
• ස්ථානය - කුරුණෑගල කොළඹ (6) පාරේ පොතුහැර නගරයේ තැපැල් කාර්ය්‍යාලය අසල.
• වේලාව - රාත්‍රී 7.30 සිට රැය පහන් වනතුරු.

තෙරුවන් සරණයි!