උතුම් වූ බුද්ධ රත්නයේ තෙද බලයෙන් ඔබට යහපතක් ම වේවා!

දාසක් යුගත් හි අවි යුත්
ගෙන මාර සේනා
කෝපෙන් නැඟී ගිරිමෙඋල්
එත මාර දෙව් පුත්

දානාදි ධර්ම බලයෙන්
දිනුවෝ මුණින්දෝ
ඒ තේජසින් ඔබට බෝ
ජයමංගලම් වේ

මාරා වෙසින්මැ නැඟෙමින්
කර ඝෝර ගෝෂා
රෑ තිස් පැයේ යුධට වන්
එ අලව් යකුන් මන්

ක්ෂාන්තී සුධර්ම බලයෙන්
දිනුවෝ මුණින්දෝ
ඒ තේජසින් ඔබට බෝ
ජයමංගලම් වේ

නාලාගිරී මද ඇතුන්
දිව ආ ගිගුම් දී
ලැව්ගින්න සේ ද අසනි
සැරයක් පරිද්දෙන්

මෛත්‍රී දියත්ත ඉසිමින්
දිනුවෝ මුණින්දෝ
ඒ තේජසින් ඔබට බෝ
ජයමංගලම් වේ

එල්ලා කරේ ඇඟිලි වැල්
අසිපත් අමෝරා
ආ ඒ හඹා පසුපසින්
මරුවා අඟුල් මල්

සම්මා සමාධී සවියෙන්
දිනුවෝ මුණින්දෝ
ඒ තේජසින් ඔබට බෝ
ජයමංගලම් වේ

බන්දා කුසේ දර ගොඩක්
ගෙන ගර්භණී වෙස්
චිංචාව කී බස මුසා
ඉවසා වදාරා

ක්ෂාන්තී විනීත වදනින්
දිනුවෝ මුණින්දෝ
ඒ තේජසින් ඔබට බෝ
ජයමංගලම් වේ

මෝහෙන් එ සච්චක තෙමේ
නිති වාද ලොල් වූ
නෙත් අන්ධ වූවෙකු ලෙසින්
කල වාදයේ දී

ප්‍රඥා ප්‍රදීප එලියෙන්
දිනුවෝ මුණින්දෝ
ඒ තේජසින් ඔබට බෝ
ජයමංගලම් වේ

නන්දෝප නන්ද මහ නා
රජු ඍද්ධිමත් වූ
මන් බින්ද කල්ගි මුගලන්
රහතන් වහන්සේ

ඍද්ධී උදාර බලයෙන්
දිණුවෝ මුණින්දෝ
ඒ තේජසින් ඔබට බෝ
ජයමංගලම් වේ

මිත්‍යා බුජංග විශ දත්
පහරින් රිදුම් දී
නෙක් බස් දෙඩූ ඹබ ලොවේ
බක බ්‍රහ්මයානන්

ඥානෞෂධෙන් සුවය දී
දිනුවෝ මුණින්දෝ
ඒ තේජසින් ඔබට බෝ
ජයමංගලම් වේ

සියළු සත්වයෝ සුවපත් වෙත්වා!